«Колледждегі кездесу»

«Колледждегі  кездесу»

       Қазтұтыну одағының Павлодар экономикалық колледжінде оқу үрдісі мен тәрбие жұмысына зор мән беріледі.Тәрбиелік сипаттағы сынып сағаттары,студенттердің  соғыс, тыл,еңбек ардагерлерімен,әлеуметтік әріптестермен кездесулері тәлімгерлерге өмірді тануға,білімдерін шындауға септігін тигізеді. Жуырда «Құқықтану» мамандығы бойынша қазақ топтарында оқитын студенттер облыс жұршылығына танымал қоғам қайреткері Жұмасейіт Қоғабайұлы Бижанмен кездесті.

       Жұмасейіт Қоғабайұлы Павлодар облысында телерадио қызметінің қалыптасуына зор еңбек сіңірген тұлға.Ол кісі облыстық және республикалық  журналистер одағы сыйлықтарының,С.Торайғыров атындағы сыйлықтың лауреаты,Қазақстанның құрметті журналисі,КСРО телевидениесі мен радиосының үздігі,облысқа сіңірген еңбегі үшін төс белгінің иегері.

       Ж.Қ Бижан зейнет демалысына шыққаннан бері С.Торайғыров атындағы Павлодар мемлекеттік университетінде болашақ журналистерді дайындауға өз үлесін қосып келеді,аталған оқу орнының профессоры.

     Жұмасейіт Қоғабайұлы публицистикамен шұгылданады. 2014 жылы ол кісінің «Дала уалаяты»газеті (1888-1902жж);жеке тұлға және қоғам»атты ғылыми –публицистикалық  еңбегі жарық көрді.

     Кездесуде Жұмасейіт Қоғабайұлы қоғам, мемлекет өмірлеріне қатысты, бұқаралық ақпарат құралдарының құқықтық және демократиялық мемлекет құрудағы орны туралы салиқалы ойларымен бөлісіп, заң саласында қызмет ететін мамандарға қоғам тарапынан қойылатын талаптарды әңгімеледі.

Колледж оқытушысы Нәсіп Жамантайұлы Ғаббасов